Ab Laut Aa Na

 Ab Laut Aa Na..

       Ye kavita har unn shakhs par likhi hai jo aapko kabhi-na-kabhi chhod kar chale gae hai. Aur hum sabki life mein koi na aisa shakhs hota hai. Aur jaroori nhi ki wo ek hi roop mein ho, wo kisi bhi roop mein ho sakhta hai dost, bhai, bahen, pyaar etc. Ye kavita uski ki yaad me likhi hai ki ab laut aa na...

Sunna laut aa na tujhse milne ka mann kar raha hai

Arse ho gae tujhe dekhe tujhse milne ko dil tadap raha hai

Mene mana mujhse galti ho gai thi

Mene gusse mein bol diya tha....

Mujhse baat mat karna, mujhe massege mat karna,

mujhe nafrat hai tujhse..

khair... Kab tak uhi naraaz rahega??

Ab to laut aa...

Mere dil ki ye khvahish hai

Is khvahish ko bina kisi sawaal ke pura kar de na

Bahut kuch kehna hai tujhse

batana hai, dikhana hai, tujhse baatein karni hai

Ab gusssa chhod de na

sunna laut aa na...

Ek baar apna didaar kara hi de na 

Ab itna bhi kya bhaav khana?

Laut aa na..

Main janta hoon tu bhi mujhse milne ko taras raha hai

Meri awaaz sunne ko bechain hai

Yaar arse ho gaye hai khush hoe!

Thoda has le, thoda hasa de na

pal bhar ke lie hi sahi

Laut aa na.

Main apni saari galti sudhaar longa,

main maafi bhi maang longa,

Tu kahe to main saja bhi kaat longa,

Ab toh naraazgi chhod de na..

Bahut hua rooth na-roothana

Maaf kar de na

Bas ek baar laut aa na

Bas ek baar laut aa...

Har roz mujhe teri yaad satati hai

Har roz ye aankhen tujhe hi bulati hai

Tu kaha hai? kaisa hai? kya kar raha hai?

Bas ye hi sawaal mere mann mein chalte rehte hai.

Tere bina main adhora ho, aur mere bina tu!!

Main talvaar hoon to,

Tu meri Dhaar hai

Main Aaina hoon to,

Tu usme chupi sachchai hai

Tu meri parchai hai..

Tu meri jaan hai

Meri aan-baan aur shaan hai

mein tere bina adhora hoon

Jo hua bhul ja na

Teri yaad aa rahi hai

Ab laut aa na..

Ab laut aa na......

                __Mohd Anas Ansari

Read More

Aaj kuch khaas likhta hoon

  Aaj Kuch Likhta Hoon

 Aaj kuch likhta hoon

Tumhare liye Mere dil ke kuch ahasaas likhta hoon

Tumhare har ek dard, har ek mushkan likhta hoon

Tumhari yaadon ki ek kitaab likhta hoon

Kuch khaas nhi bas apne jazbaat likhta hoon

Kuch bite kisse, kuch mulakaat likhta hoon

Tumhara hassna, tumhara roothna

Tumhare nakhre aur tumhari narazgi likhta hoon

Tumhari Yaadon ke sahaare, main gazale khaas likhta hoon

har pal rahe jo saath mere ye baatein khaas likhta hoon

 Aaj tumhare liye apne kuch khayalaat likhta hoon

kudrat ki khoobsorti mein tumhe likhta hoon

Kuch khaas nhi bas tumhare liye

Mere Dil mein dabe jazbaat likhta hoon

Raato ki tanhai mein, main Geet tumhare likhta hoon

Sagar ki lehro ko jonj kar

Tumhari saari khushiya likhta hoon

Zindagi ki daud mein hamare jazbaat likhta hoon

Kabhi dard bhare nagme likhta hoon

Kabhi phoolon ki khubsurti unki khusboo mein

Tumhara zikar kiya karta hoon

Kabhi mehfil mein toh kabhi,

 chand ke sang kiya karta hoon

Tumhare liye main apna pyaar likhta hoon

Pedon ki Chav mein, Nadiyon ki Chan-Chan mein

Mausam ki Barish mein, Barish ki Boondon mein

parvat ki vadiyon mein ,Chand ki Chandni mein

Meri saason mein, mere dil ki har ek dhadkan

Main bas tumhe hi sunta hoon

Main tumhe hi dekhta hoon

Bas tumhe hi likha karta hoon....

                                                    Mohd Anas Ansari

Read More

Udaan

 Chal Ek Nai Udaan Bhar 

Tu apne khaabon ke parde khol de  

Chal ek nai udaan bhar

Muskhil nhi hai kuch is duniya mein 

Tu koshish toh kar

Kyu pareshaan ho raha hai

Khaab badlege haqeeqat mein

Tu jara koshish toh kar

Chhod de jo howa tha phele

Tu ek nai udaan bhar.

Zindagi ke is samandar mein

Tu kashti ka maanjhi ban,

Is tofaan mein tujhe sahil bhi mil jaega

Tu koshish toh kar.

Yu zameen par baith kar kyu asmaan dekhta hai

Pankhon ko khol ye janama sirf udaan dekhta hai 

Lehron ki toh fitrat hai shor machane ki

Manzil usi ki hoti hai

Jo nazro mein tofaan dekhta hai.

Tu zindagi mein risk lene se kyu darta hai

Jeet gaya toh manjil milegi

Aur haar gaya toh sikh milegi.

Bas tu koshish toh kar.

Nazar ko badlo tu nazare badla jate hai

Soch ko badlo toh sitaare badal jate hai

Kashtiya badalne ki koi zaroorat nhi,

Disha ko badlo kinaare khud badal jaate hai.

Woh khud hi tay karte hain manzil assmano ki,

 parindro ko nahi di jaati taalim udaano ki.

Darr lagega tujhe faisla ye lekar

Lekin tu badhta jaa raasta dekh kar

Tu koshish toh kar khud ba khud nazdik aaegi manzil,

Tera hausla dekh kar.

Bhuji shama bhi jal sakti hai

toofano se bhi kasti nikal sakti hai

Tu koshish toh kar

Manzil tujhe bhi mil sakti hai.

Manzil unhe hi milti hai

Jinke sapno mein jaan hoti hai

Pankhon se kuch nhi hota

Hauslon se udaan hoti hai

Hauslon se udaan hoti hai..

                                                             Mohd Anas Ansari

Read More

Waqt kisi ke kaabo mein nhi aata

Waqt kisike kaabo mein nhi aata hai

    Waqt ek aisa techer hai jo hume har roz kuch-na-kuch sikhata hai. Jo hamesha aage badte rehne ki sikh deta hai. Waqt kisi ka gulam nhi hai. Ye ek aisa teacher hai jisne sabka guzra kal dekha hai, aur sabko kaamyabi ki aur badte dekha hai. To aaj isi ki bare mein likha hai.. 

   

        Na rok pata hai koi isi, na koi samaj pata hai, Ye Waqt hai, Ye kisi ke kabo mein nhi aata hain. Ye Waqt hai, jo dikhai nhi deta, par dikha bahut kuch jata hai, ye najar nhi aata, par sikha bahut kuch jata hai. Ye waqt hai na bas sikhata jata hai, khuwaab thod to deta hai, par hazaroo khowaab dikhata jata hai. Ye Waqt hi to hai, jo phele imtihaan leta hai aur baad mein sikhata hai. Har roz ka suraj ek pal mein dhalta hai, ye Waqt hi hai jo har roz badalta hai. Har ek Tabassum, har ek Aanso,har ek nagma, har ek khushbo, wo Zehan mein banti aur bigadti Fizai, dil ke Ahesaas aur saare Zasbe, kabhi kisi ka Jakhm to kabhi Marham bankar aata hai, ye waqt hai, ye kisi ke kaabo mein nhi aata. ye Ghadi ki sui kisi ki yaar nhi hoti, ye waqt ki khaas hoti hai, na rukti kabhi na thaharti hai, bas waqt ke saath chalti rheti hai. 

 ye waqt hai, na isme koi aeb hai, na isme kio Akhelaq hai, Aaj tak na koi waqt ka safar kar paya hai, ye waqt hai, kisi ke kaabo mein nhi aaya hai. Waqt hamesha ek jaisa nhi rehta hai, kabhi khud bhi ro padte hai auron ko rulane wale. falsafa Zindagi ka insaan ko sikha deta hai waqt. kisi ke kaabho mein nhi aata hai Waqt. Waqt ka pata nhi chalta apno ke saath, par apno ka pata chal jata hai Waqt ke saath. Ye Waqt hi hai jo apke chahne walo ke chehre se jhut ka nakaab hata deta hai, ye waqt hai, ye kisi ke kaabo mein nhi aata hai. ye Waqt hi hai, ye kisi ke kaabo mein nhi aata hai........


Meaning:     
Tabassum - Muskaan 

Nagma - Geet/Song

Akhelaq - Behavior

Falsafa - philosophy

                             

                Stay Safe Stay Happy

                                                                            __Mohd Anas Ansari

Read More

Desh bulata hai aao,,,,kuch kaam iske aate hai....

Desh bulata hai aao,,kuch kaam iske aate hai...

Aaj 15th August yahi independence day hai, aaj hamare desh ko angrezon se Azaadi mili thi. Azaadi to mil gai, par abhi bhi ye desh pori tarah se Azaad nhi hoa hai. Din-ba-din apradh badte ja rahe hai. Abhi bhi ladkiya akele bahar nikalne se darti hai. Tu aaj ki ye kavita isse par likhi hai..

Desh prem ke nare yaha sab lagate hai,

Badi-badi baatein sad kiye jate hai,

Fizul ki sala bewajah hi dete hai,

Waqt pade to apno ke bhi kaam nhi aate hai.

Sarhad ki rakhwali to sena apni karti hai,

Par ander ladki akele sadkon par chalne mein darti hai.

Har roz yaha apradh nai hote hai,

Kyuki Azaadi ko to hum, apni jeb me lekar ghumte hai.

Dushman desh ke bahar nhi, desh ke andar janmi raakh hai.

Kya 73 saalon mein ye azaad desh apna hai,

Kya yahi swatantrata senani ka sapna hai.

Jo Phool Sukh kar bikhar Gaya, wo phir se nhi khilega,

Jo waqt haath se nikal gaya, wo phir se nhi milega.

Jaat-dharm se dorr aakar, sabko ek saath aana hoga,

Jo Khwab dekha tha, azaadi se phele usko pura karna hoga.

Are hum kya jane kya hai azaadi,

Humne kaunsa angrezon ka koda khaya hai,

Azaadi ki kimat unse pucho,

Jinhone iske liye sab kuch gawaya hai.

Azaad ki kimat unse pucho,

Jinhone har kadam par pehra dekha hai.

Azaadi ki kimat unse pucho,

Jinhone din me bhi andhera gehra dekha hai.

Hame to azaadi veraasat mein mili hai,

Jo haste-haste phasi par latak gaye,

Unse pucho Azaadi kya hoti hai.

Hum sabko saath aana hai,

Jo kehlata tha sone ki chidiya desh hamara,

Phir se usse lana hai.

Desh Prem aur rastrawaad ke gaane mat gao tum,

Apne ander base bharat wasi ko jara jagao tum.

Dorr nhi Manjil raahi rakh majboot irada,

Apna haat utha kar khud se karo ek wada.

Mere samne kabhi koi bhuk se nhi marega,

Mere rehte Aniyae se koi nhi darega.

Ye desh hai mera yaha sab ka adhikar hai,

Ameer gareeb kuch nhi, yaha sab ek samaan hai.

Gali-mohalle ko kon ginta hai,

Jab sab saath khade ho tabhi to desh banta hai.

Ye wachan lie azaadi ka utsav aaj manate hai,

Desh bulata hai aao, kuch kaam to iske aate hai.

Aao kuch kaam iske aate hai.....

                                        Jai Hind Jai Bharat

Happy Independence Day

                                         ______mohd Anas Ansari

Read More

Kuch aisi apni yaari hai.

Kuch aisi apni yaari hai.

        Dosti kya hoti hai ? Iska matlab kya hai ?Hame pata nhi hota hai. Phir dheere dheere hamari zindagi mein kuch kamine aate hai. Jo dosti ka matlab batate hai, Jo batate hai ki dosti kya hoti hai. Aur mere pass inki kami nhi hai. Bahut yaade hai mere pass inki, meri zindagi inhi ki yaado se bhari hai.

Yaaro ki mahefil mein hum chale aae, gam ka paigaam lekar, par humme kya pata tha ki yaha, gam ka hi majaak ban jaega.

Agar dost saath ho, to Rone mein bhi shaan hai,

Aur dost na ho, to mahefil bhi shmashaan hai,

Sara khel dosti ka hai mere dost... kyuki dost ke bina zindagi bhi bejaan hai.

Bachpan se na jaane kitne dost banae, kuch ko main bhul gaya aur kuch ne mujhe bhula diya. aur kuch ab tak meri zindagi mein sani bankar baithe hai.

Ab to inke aadat ho gai hai.

Chahe jinta mazak bana le, par ek din bhi inse baat na karo to pura din khali khali sa jata hai. Jab bhi kabhi udasi ka Aalam hota hai, ye khushiyon ka paigam lekar aate hai.

Thodi meethi aur kafi khatee, thodi se awargi hai, dhop mein barish ho jaise, aaisi apni yaari hai. Inke paise inse jaida hamare hote hai, Aur kuch apne birthday par hamare paiso se, hame hi party de jate hai.

Kuch bina batae hamari setting laga kar aajate hai. Gussa to aata hai par inke saamne na jane kaha kho jata hai.

Mere harr ek pal ko khass tumne banaya hai, harr pareshani se mujhe bachaya hai.

cricket mein apna bat le kar hume chidana, aur out hone par waha se bhag jana, paiso ka rowaap dekhana, inki purani param-para hai.

Agar hum kisi aurse baat kare to jalan inhe hoti hai, hamari dosti hi kuch aaisi hai.

Yaha Dharm-Dhan se upar aakar yaarane ki beshumari hai, Dil mein jo aakar base kuch aaesi apni yaari hai.

Phone par “kya haal hai" nhi balki, “bhok”se shurowaat hoti hai, Whatsapp group me baato se jaida emoji se baat hoti hai, Phone hamara aur baatein inki hoti hai. Aur apne match ki practice hamare saath hoti hai, fighting inki aur petai hamari hoti hai. Par ek baat hai, Jeete ya Haare party bemisaal hoti hai.

Duniya chahe de kitne bhi zakham, ye saath ho to na maango main marham.

Meri yaado ke kaafilon mein qaid saari khushiya, saher chhoota, log chhoote, par chhoodo na ye Yaariyan.

Karodon ki is bheed mein inka chehra yaad hai,

Magroor hai ye Aashiqui, sukoon sirf dosti mein. Duniya ke sare gam dhal jate hai bas tumhari ek hasi mein hai, Mushkilen 100 aa bhi jai, hausalon se sawari hai, khuda bhi puche raaz kya,
Kuch aaesi apni yaari hai...

Kuch aaesi apni yaari hai.......

Happy friendship day.......♥️

                    ____Mohd Anas Ansari

Read More

Prakriti....

Prakriti..

Ye kavita prakriti par likhi hai. Aaj puri duniya mein corona ki maha-mari chal rahi hai, sab kuch band hai, to wahi dosri aur prakriti mein sudhar aa raha hai. Jo hamne pollution kara hai wo kam ho rha hai, Dharti apne rang mein rang rahi hai. Tu shuro karte hai....

Bejuba thi ab tak, ab kuch baya karne aai hai, ye prakriti hai, kuch derr taharne aai hai. 

Khudrat ki khubsurti badhi, chamak badhi asmaan ki, pahle se jaida saaf hui, tasveer sare jahan ki. Kar diya kaid hum sab ko, parindo ko azad karaya hai, jo janwar kaid tha pinjre mein, aaj sadko par utar aaya hai, dekho ye kudrat ka kya kaher hum par aaya hai. Aaj liya hai badla prakriti ne, insaano ke nafarz nibhane ka. Vaayu pradushan ke zehar se saphed ambar par daag lagane ka, aaj mila hai mauka darti ko, jahan par santulan ko lane ka.

Yamuna ko doshit karne aur ganga mein kachra pheke jane ka, Jangle ko Kate jane ka, is prithvi par apna hak jatane ka, aaj liya hai badla prakriti ne, insaano ke nafarz nibhane ka, Bhul gya jo insaan usko kuch batana hai, paap Kiya hai tune aaj ye dekhana hai, tarakki ke naam par pedon ko kaata hai, na jane kitno ka ghar tune ujada hai, aaj mila hai mauka prakriti ko, jahan par santulan ko lane ka. Aaj liya hai badla prakriti ne, insaano ke nafarz nibhane ka.

Asmaan kuch waqt se tham chuka hai, insaan hue pinjre mein band, Sankat ke badal baras rahe barish ban, prakriti hui naraz is baar, karmo ka fal mil rha is baar. Insaano ke banae kale badal katam ho gye, dekh kar ye asmaan mein ek nai kiran jagi, ke hum bhi luft uthaenge aisa soch chidiya bhi has padi. Aab to kachhue bhi ghosla banane, samandar ke tat par aa rahe hai, aur dorr sahar se parvat dikh ja rahe hai. Jo kabhi na dekha aaisa nazara dekh rahe hain, prakriti apna santulan bana rahi hai. Aaj prakriti phir se nikhar kar aa rahi hai. Aaj darti khud mein rang rahi hai, aur Tujhe thik hota dekh, mujhe khushi ho rahi hai.
     
            Stay safe and keep smiling   

                            ___Mohd Anas Ansari       

Read More

Mat haar tu khud se

Mat haar tu khud se...

    Aaj kal log tension bahut lete hai. Aur ise wo log depression mein chale jate hai, aur koi galat kadam uta lete hai, par depression ya tension ka ilaj marna nhi hai. Ye kavita isi ke upar likhi gai hai.

               

Musibate zindagi ke har Mod par aati hai, khwabo ke parde har baar girati hai, mat haar tu rak hosla ye musafir, thokar hi insaan ko chalna sikhati hai. Tu kyu apni zindagi se bhaag rha hai, dusro ki wajah se kyu jaan ki baji laga rha hai, tu kosish kar jo aaj tujh par has rhe hai, ek din wo hi hasti tere pass aaigi. Kyu lete ho itna tension apne is mastishk mein, kabhi to apne dil ki suno, aur na aai samaj to apne maa-baap ko yaad karo wo tumhe bataige, Zindagi jeene ka naya tarika wo tumhe Sikhaege. Har baar haarna sahi nhi hota hai, zindagi ki is race mein jeet kar hi aage badha jaata hai. Har baat mein tension kyu lete ho, kyu dusro ko khud par havi karte ho, har baar mar jaane ko kyu sochte ho, zindagi ek baar milti hai, phir kyu ise yun bewajah gawate ho.

  

Musibat aai to kisi se salah le lo maa-baap se nhi hai himmat batane ki, to dosto ko bta do, wo dost hai tumhare har pareshani se lad jaige, nhi aane dege tum par aanch, tumhare is chehre par ek nai muskurahat laege. Dil me koi baat ho to bta diya karo, mann halka ho jata h, kabhi kabhi baaton ko na btane se jaida, bta dena accha hota hai. Jab tu jinda ho kar kuch na kar saka, to mar kar kya karega, jis baap ne tujhe khande par baithaya, us baap ke khande par janaza accha nhi lagega. Tu chala gya to teri maa ko logo ke tano se kon bachaega, jo zinda thi tera chehra dekh kar, usske chere ke noor ko kon wapas laega. Zinda hai tu to apna zamir zinda rakh, ek din tu sultan bhi ban jaega, dil me ek fakir zinda rakh, kamyabi ki talaash me hoslon ka teer zinda rakh, musibat aaegi tujhe chunoti dene tu unse ladne ke honar ko zinda rakh.

Depression se tu ladna sikh le, gam ke aage tu hasna Sikh le, chal rha jo tere dimaag me wo sab bhul kar, apno ke lie tu jeena sikh le. Tere na hone se is duniya ko koi farak nhi padega, 2-4 din gam dikhaegi ye duniya, fir nazara phele jaisa hoga. Tu chala gya to tere parivar ka kya hoga..soch tere parivar ka kya hoga. Andhere ke baad ujala jaroor aata hai, suraj dob jae shaam ko, to subha ko phir nikal aata hai. Aaj dard hai tere pass, khushiya bhi jaroor aaegi, depression ke is maya-jaal mein rah bhi mil jaegi. Mat har tu khud se, is maya-jaal mein  rah bhi mil jaegi.
 
 Ek baat khena chahunga ki agar life mei  koi bhi problem aae tu use daro mat balki uska samna karo, agar aap ko uska jawaab nhi mil rha hai tu kisi ki help lelo. Par koi galat kadam mat utao. Ye har baat mein marna marna karne se kya milega, kuch bhi nhi. Bas ye kadam mat utana ki tumhari wajah se kisi aur ko dard ho..

                              ___Mohd Anas Ansari

Read More

Majdur...

            Majdur.......

            Aaj puri duniya mein jo halaat hai sab ko malum hai. Sab apne gharo mein baithe hai, sab kuch band hai. Par kuch aaise log bhi hai jo apno se dorr hai. Tu Ye kavita hamare desh ke jo majdur lockdown ki wajah se phase hai, apno se dorr hai, aur hazaroo mile paidal apne gao ja rehe hai, na din dekh rehe hai na raat bas chalte jaa rehe hai, unn ko dedicate hai.

        Na khane ko roti na pine ko pani hai. Wo apno se dorr hai, wo desh ke majdur hai. Khande par bhojj liye, chehre par thakaan liye, pairo me chhaale hai, badan tadapne lage.

Na waqt ki fikar na din aur Raat ki khabar hai, jaana hai bas chalte rehna hai. Ek-ek niwale Roti ke liye wo tarash rehe, apno ke liye wo sadko par bhatak rhe. Mehnat karne wale majdur aaj duniya ke samne majboor hai. Alam ye zindagi ka kya Nazrana h. Dragon ke is srap se hame jeetna hai. Hum ghar pahuche ye na pahuche par akhbar me chapi tasveer apno tak pahuchana hai.

Sang chale ek dosro ke hum, hame aage badhna hai, chahe karna pade hazaroo mile ka safar paidal hi par hame apno se milna hai. Jaise tum baithe ho apno ke saath, hame bhi apno ke saath baith kar khana khana hai. Jo tapti dhop ki garmi mein humne tarcoal ki road ko shicha tha, aaj usi garmi ne pairo ki chamdi ko bahar khicha hai. Are kuch din ki mohlat to de dete. Bas hame ghar tak tu jaane dete. Aur jab band hi karna tha to roti ki keemat to dete.

Hum hajaroo mile paidal hi chale hamme se Kai ghar phoche, to kai  kafan mein wapas lote. Are humne bhi tumhe banaya hai, humne bhi 2-2 ghante line me lag kar vote giraya hai.

 Sarkar bani abb andhi kyu, sarkar bani aab bheri kyu. Kya chote-chote bacho ka rona tumne suna nhi, ye nazuk se pairo ke chhaale tumhe dikhe nhi. Har 5 saal mein tum aate ho aur hum se vote chura le jaate hoo, phir aai musibat hum par to tum aankhe chupa le jate hoo. Phir 5 saal mein tum aaoge, naye-naye tarkeebo se tum hame behlaoge. Par abhi jo hum par musibat aai hai, in yaado ko bhi saath le aana. Sawal hai humare pass bas tum iska jawaab le aana. Humne bhi ye desh banaya hai, humne bhi tumhe banaya hai, phir kyu ye bhed-bhao hai. Majdur ke naam par kyu hum par atyachar hai. Kyu ham par atyachar hai.... 

             Stay home stay safe

                             

                        __Mohd Anas Ansari

Read More

Kaash koi hota..

                             Kaash koi hota ....
     
        Ye uss waqt par likha gaya hai, jab ek shakhs akela dard se ghira, thoda mayus kisi ki yaad mein ek band kamre mein baith kar apne Dil me ek lafz baar-baar dohrata hai ki 'Kaash'....
   

   

      Kaash koi to hota jo mujhe samaj pata, jo mere hathon ko thamta, kaash koi hota jo is rote chehre par ek nai muskurahat la pata. Main thoda nadaan hoon, thoda pagal hoon, dard se ghira hoon, kuch Duniya se anjaan hoon, kaash koi hota jo mujhe is Duniya se rubaru karata. Kaash koi hota jo meri nadanyo ko apni khushi maan leta.
Parivar ka pyaar to khoob dekha, par koi to hota jo mere dil ki sunta. Kaash koi hota jo mujhe apni jaan se jaida pyaar karta. Kaash koi hota jo meri raat aur mera din dono hota. Koi hota jo meri Dhadkano ki Dhadkan me basa hota. Koi hota jiski aankhon mein main kho jata. Koi hota jiski baatein sun kar main chup ho jata. Kaash koi hota jo mujhe samaj pata.
Koi hota jiske aane par me sab bhool jata. Kaash main bhi kisi ke nakhre sehta. Kaash koi hota jo mujhe samaj pata. Koi hota jo mere is banjar Dil ko bagicha bana deta. Koi hota jo mujhse shuru aur mujh par khatam hota. Kaash koi hota jo mujh jaise bhatke musafir ko apne saath le jata. kaash koi hota jo mujhe samaj pata.
Mere Dil me qaid is pyaar ko. Meri dhadkan ki Raftaar ko, kaash koi hota jo samaj pata. Zindagi to dekh li is Duniya mein par kaash koi hota jo mujhe apni zindagi banata. Me hasu ye soch kar jo rona chodd deta, mere sapno ke liye jo sona chodd deta, mere saath rehne ke liye jo alishaan Mahal chodd deta, kaash koi hota jo Dil se kaam leta.
Kaash koi hota jo mere gunaho ka ilzaam apne sir leta. Koi hota jo mujhe apne sine se laga leta. Koi hota jiska Kandha mere sir ka takht banta. Koi hota jo mujhe mujh se chura le jata. Koi hota jiske sapne mukammal karna mera hakk hota, kaash koi hota jo mujhe samajh pata.
Qaid hu ek pinjre me pakshi ki tarah kaash koi hota jo mujhe is pinjre se udakar le jata. Koi hota jo bin kahe sab sun leta. Koi hota jo Muskan ke piche ke aansu padh leta, koi hota jo is dil ki becheni ko Sunta, koi hota jo har baat meri aankhon se padh leta, koi hota jise mere dard se dard hota, kaash koi hota jo mujhe samajh pata.

Baith jata hu raat ko sitaron ke saath apne gam bhulane ke liye, chand se hoti h kuch guftgu kisi ki yaad me, ki mile koi to de dena use mera ye paigam, ki hai koi jo teri yaadon mein khoya rehta hai. Jab bhi baatein karta hai to, 'kaash koi hota' yahi sunata rehta hain.. kaash koi hota bas ye fariyaad karta rehta hai...

                    

                         ____Mohd Anas Ansari...

          

Read More

Khamoshi.....

       

                    Khamoshi 

         Khamoshi... ek aisi cheej hai, jo batai nhi jaati, sirf dikhai deti hai. Aur jo shakhs khamoshi ko na dekh saka, usne kuch nhi dekha. Log uhi bewajah khamosh nhi hote, pta nhi wo kya kya seh-chuke hote hai.
          Kabhi kabhi insaan dard ke saamne rota nhi balke, khamosh ho jata hai. Aur uski khamoshi se sirf khouf... ki awaaz aati hai.
           Kabhi kabhi kisi apne ko khokar bhi log khamosh ho jate hai. Aur khamoshi unki awaaz or dard dono ko chheen leti hai.
           Khamosh rehna bhi accha hai is duniya mein, kyuki kai log baaton ka galat matlab nikaal ne lagte hai. Aur kabhi kabhi Alfaz.. se zyada khamoshi jawaab de jati hai.
           Khamoshi ka matlab ye nhi hai ki insaan khamosh hai balke, ye hai ki wo thak chuka h apne dard ke aage.
         

 kabhi kabhi to khud hi chup ho jane ko mann karta hai. Kyuki ye dil chahta hai ke hum kuch na bole, aur saamne wala hamare dard ko jaan le, aur hame khamoshi se samet le.
            Is Duniya me kisi ko fark nhi padta, mere hone ya na hone se, mere hasne se ya Rone se, mere lafzo se ya phir mere bahut khamosh ho jane se. Jab andar tak gehri khamoshi ho, to beshak khamoshi ke siwa har awaaz takleef.. deti hai.
           Koi sab kuch kehkar pyaar jatata hai, to koi khamosh rehkar sab kuch keh jata hai.
           Ab baat ye hai ke lafzo se hi khamoshi toot jati hai, aur phir lafz hi hame khamosh kar dete hai. Kabhi kabhi shakhs haar jata hai... Ummeedein rakhtey-rakhtey, Rishtey nibhate-nibhate, Khamosh rehte-rehte, Aur kabhi kabhi khud... se.
 

         Duniya chahe jo kahe, par mere liye khamoshi bahut keemti cheej hai. Kyuki khamoshi se maangi hui Dua.. sirf Rab sunta hai. Fiza ki khamoshi dil ko shant kar deti hai. Jab tum Jahilo se ghire ho tab tumhe tumhari khamoshi hi bachati hai.
           Par ek baat hai khamoshi ek jaisi nhi hoti, Dard ki khamoshi tume ander se tod deti hai. Aur ye kambakht khamoshi mera saath nhi chhodti hai, chahe dard ho ya khushi. Kabhi bhi mujhe khamosh kar deti hai. Aur me khud ko pata nhi kahan kho deta hoon..
            Ab ye khamoshi Sahi nhi jati hai, thak chuka hun main is Khamoshi se, par kya karu khamoshi ke bina ek pal raha bhi nhi jata..

                              ___Mohd Anas Ansari

Read More

Is Maati Mein Hai Janam Liya..

Iss Maati Mein Hai Janam Liye .....

        Yha goli khakar bhi,

      har Jawaan hasta hai,

 ye desh hai mera jha har dil,

    mein bharat basta hai.

   

     Today is 26^th January mean our Republic day. You know why we celebrate this? 26^th January me ek constitution was adopted for freedom ki hum ko Purna Swaraj means full Indian Independence cahiye. Tu is 26^th Jan ke moke par mene  ek kavita likhi hai. tu suro karte hain.

   

         Is Maati mein hai janam liya,

Is maati mein mil jaunga.

Aai musibat koi tere ann par,

Main sabse lad jaunga.

Rahe Azad ye Desh mere tu,

Main jaan tujh par lotaonga.

Is maati mein hai janam liya,

Is maati mein mil jaunga.

Lahu se shichuga teri dharti,

Ek bar phir itihaas dhoraunga,

Yuddh ke maidan mein,

main geet josh ke gaunga.

Baat hoi kuch aisi to main,

Rajguru aur Bhagat singh ban jaunga.

Is maati mein hai janam liye,

Is maati mein mil jaunga.

Jahan ekta ka phera ho,

Jaat-paat ka na masla ho,

Main insaniyat aage badaunga.

Jahan bharastachar ki baat na ho,

Main aman aasa launga.

Is maati mein hai janam liya,

Is maati mein mil jaunga.

Koi bhukha na mare yahan,

Main sabki bhukh mitaunga,

Shiksha mile yahan sabko,

Main aisa Desh banaunga.

Iss maati mein hai janam liya,

Is maati mein mil jaunga.

Bata do un hakmrano se.

Bata do un hakmrano se,

Na koi aab fasad kare,

Bhrashtachar ki Aag mein yoo na,

Desh mera barbaad kare.

Main matra-bhumi ki laj ke khatir,

Maut se lad jaunga.

Is maati mein hai janam liya,

Is maati mein mil jaunga.

Main sarhad par jakar,

Khon ki holi kheloga,

Desh rahe Abaad ye mera,

Main shatru se lad jaunga,

Faqra ho bharat maa ko apne lal par,

Main wo lal ban jaunga.

Uucha rahe Tiranga hamara,

Vande-Mataram ke nare lagaunga.

Is maati mein hai janam liya,

Is maati mein mil jaunga.

Is maati mein mil jaunga….

                              Jai Hind....

  

             Happy Republic Day to all of you

   kavita acchi lagi tu comment, share and follow karo 

Read More

Ae jaate hue saal....AA baith..

Ae jaate hue saal

  I wrote about 2019, how important it was for me.... Toda late ho gaya hoo alvida kahene main kyuki kal new year ka welcome kar raha tha..to ab pyaar se alvida karte hain...

                Ae jaate hue saal, Aa baith tere sath ki masti, aur jo bhi yaade hain usska karte hain hisab. Yaad hain kuch naye resolution se shuru hua tha rishta hamara. kuch bada karenge milkar aisi hui thi hamari baat. January mein yah irade to kuch din chal gaye, par February aate hi jaane kha bikhar gaye. 10th ka woh exam mene tere sath diya, hatash tha main par tune khushiyo mein uljhai rakha. Kabhi tune dukho ki dukaan dikhai tu kabhi khushiyo ki nadiya bahai. bahut dost the mere phele, par kuch tu apne sath laya, kuch ko main bhul gaya aur kuch ne mujhe choda, khushiya tu bahut di tune, Ae saal par kambakhat dil kai martaba toda. Tere sath ki mene kai apni khwahish puri, tune mera har din alag banaya, par phir bhi naye sapne dikhane se Ae saal tu baaz na aaya. Kuch khwahish thi meri jo puri na ho pai, abhi taazi hain tu kya hua, kho jayegi yeh bhi jaise phele kho gai. Kabhi tujhse rahi shikayat, tu kabhi khud se rahi gila, ye dosti thi hamari aisi ki tujhse zaroorat ka sab kuch mila. maan gaye Ae saal ye tera hisab hain, khatte-methe yaadon ka samandar tere sath hain, tu lajawab hain,,, tu lajawad hain.

Toda badla tune mujh mein kuch, phir bhi  mujhko main banai rakha, Ae saal tune ye pyaara sa rishta mere sath banai rakha. kai khushi, kai dukh, kai sapne, azadi tu lekar aaya tha, sab luta kar gaya, kitni yaade bikher kar tu chala gaya...tu chala gaya...   Alvida 2019 

           Thankyou so much 2k19

                         AND

              Welcome 2k20

       kon-kon miss kar raha hain 2019 ko, aur konsi wish baki hain jo 2019 mein puri nhi hoo pai....koi baat nhi is saal jaroor ho jaigi..

  HAPPY NEW YEAR TO ALL OF YOU 

                           

Accha laga to please comment kar ke batana please. accha lagta hain aur mujhe likhne mein bhi accha lagta hain.......

                                  
                                  ___Mohd Anas Ansari

Read More