Ek Cup Chai Piyege Saath Mein...

 

Ek Cup Chai Piyege Saath Mein

Ek Cup Chai Piyege saath mein

Kabhi Fursat mile toh aana

Aur kuch Pal Aapne Saath lana

Arsa ho gaya hai Hame mile

Ek baar phir apni Mehfil Saji hai

Saath mein Chai bhi Bani Rakhi hai

Kya Paaya aur kya Khoya Tumne

Ye sab Bhool kar hi aana

Ye Jhute Nakaab ko

Ghar par hi Utaar aana

Apni Kaamyabi ko Tum jara Chupana

Bas Hamari jo Yaadein thi Dosti ki

Unko hi apne Saath lana

Jo Gaana Gaate the Hum saath mein

Gar yaad aae toh Gun-Gunana

Naraaz ho gar toh Naraazgi ko Bhool jana

Tum bas Dosti Nibhane aana

Wo Khatti-Mitthi Yaadon ko Dhoraana

Jo Saath mein the kabhi

Hamare Saathi Bachpan ke

Un Sabhi ko apne Saath lana

Aur ye Baatein jara Unko bhi Samjana

Dekhlo kar Paoge gar Tum toh hi aana

Chai bhi Rakhi hai saath mein

Intezaar rahega Tum sab ka

Tum bas Mehfil Sajaane aana…

Read More

Wo Bhi Kya Din The

 

..Wo bhi kya din the..

... 

Aaj kuch Btana chahta hoo

Apni Zindagi ke kuch Haseen Lamhe,

Tumhe dikhana chahta hoo

Wo Din jo meri Zindagi ka ek Hissa Ban gae

Aur Dekhte-hi-Dekhte wo

Gujre hue Pal ban gae

Ye Lamhe Bachpan ke Waqt ke the

Jab hum sab Dost Saath hua karte the

Jab school ke baad Mulakaat

Dosto ke Saath hoti thi

Aaj kya Khelenge Kal kiski Baari thi

Kuch is tarah se hamara Khel decide hota tha

Gilli-Danda Khel kar Thak jate toh

Ghar mein Dera Jamta tha

1rs ka Rasna aur phir Contra ka Battle hota tha.

Barsaat mein paper ki nao bana kar

Ek-dusre se race lagate the

Aur phir Nadiya mein jakar Gote lagate

Raat ko Truck par Chadd kar

Lukka-Chuppi khel shoor machte

Ya yu hi Bewajah idhar-udhar bhaagte the.

Sirdi ki Vacation mein Rozz Subha

Mulakaat Dosto se hoti thi

Haath mein Bat aur Ball lie

Dosto ko bulane uske Ghar se,

Toli Hamari Nikalti thi.

Aankhon me Sapne aur Dil me Armaan lie

Ek Safar me nikal pade Bina kisi ka saath lie

Raaston mein kuch Anjaan Chehro se Mulakaat hui

Aur phir nai Dosti ki Shuruwaat hui.

Wo Din bhi kitni Haseen the

Jab sabse phele hum School puch jate the

Sharpener mile ya Bottle ka Dhakan

Usse Corridor mein Football khelte the

Aur Recess mein Class hamari WWE

Ka Stadium ban jati thi

Kon Jeetega kon Haarega

Ispar Batting lagti thi..

Tution Class mein Alag hi Scene chalta tha

Fariyaz hamara Adda hua karta tha

Dariya ke ek Kinare

Baythak hamari Jamti thi

Sab ke haath mein Ice-cream hoti,

Aur Gateway par Baithe

Musafiro se Baatien hoti thi

Masti har Rozz isse Tarah hoti thi

Ek pal mein Roothna aur Dusre hi Pal

Dosti hamari hoti thi.

Din Wo kya Hasen hua karte the

Jab hum sab Dost Saath hua karte the

Ye pal Aaj bhi Yaad aate hai

Aur jab bhi Yaad aate hai,

Hooth par ek Muskurahat de jata hai..

….

Read More

Main Keh Na Saka..

 

Main Keh Na Saka..

Suno kaesi ho? Aapka naam?

Bahut Khobsurat Lag rahi ho.

Ye Main Usse kehna Chahta tha.

Par Keh na paya…

Ek Roz usko College ke Gate par dekha .

Dekhte hi na Jane Mujhe kya hua?

Ki Main Apne aapko Sambhal na paya

Uski wo Lehrati Zulfe,

Wo Annkhon mein Kajal,

Hoothon pe Ek Halki se Muskurahat,

Haatho mein Kitabe thi.

Kuch is tarah se Didaar hua tha Uska..

Socha jaakar Baat karo par,

Kar na saka? Naam se Anjaan tha

Wo Poch na saka..

Suno Akele Ghar jaa rahe ho?

Main bhi wahi Rehta hoon, Saath mein chale?

Ye Main usse Pochna chahta tha.

Par Poch na saka..

Sadak ke Ek Taraf uska Ghar tha,

Aur Dusri taraf Mere.

Uski ek Jhalak dekhne ke lie,

Aana Jana aab uski Galiyo se Hone laga tha.

Koi Pakad ke Poch na le,

Toh Bahana Aksar Taiyar hota tha.

Uske saath toh jane se raha!!

Toh socha Lecture mein saath Baith jae??

Suno wo Baithne ke lie Jagah nhi hai.

Kya Main yaha Aapke saath mein Baith sakta hoo?

Ye bhi Main usse Pochna chahta tha

Par Poch na saka..

Din aise hi Sochne Samajne mein Nikalte rahe.

Na Main kuch Poch saka,

Na kuch keh saka.

Dekhte-Dekhte College ka,

Wo Akhri Din bhi aa gaya…

Hello, Salaam.. Kheriyat? Main hoo..

Mene aapke ek Dost se Aapka number liya

Kya Hum mil sakte hai?

Ye Mene nhi…..

Thak-Haar kar Ussne hi Mujhse Poch liya..

Raat ka Waqt tha.

Mujhe ek Call aaya, Uska hi tha

Socha uhtao..ya nhi?

Phir Himmat kar ke utha liya.

Phir hamari Baatien Shuru hoi..

Baatien na jane kab Pyaar mein Tabdeel hui.

Ek Durse ke saath Waqt Gujaarne lage.

Din gujre phir gujre kuch Mahine..

Saal aate aate phir ek call aaya.

Usska hi tha..

Awaaj mein Nami thi,

Halki awaaj mein kuch Sunai diya,

Kaise ho?? Sab Thik hai na?

Haa Mujhe kya ho sakta?

Suno aab Hum nhi Milege.

Kuch Pal sab Shant ho gaya….

Kuch Derr tak Dono hi Khamosh ho gae..

Uski Shaadi tae ho gai thi

Phir kya tha…

Jo Khaab dekhe the sab Toot gae,

Abb Pyaar toh nhi raha..

Bas uski Meethi Yaadien hi reh gai.

Socha Himmat kar ke Ghar walo se bhi keh deta..

Par keh na saka.

Main kuch bata na saka.

                                  Based On A True Story...

Read More

Bachpan

 

Bachpan..

Bachpan ki wo ameeri jane kaha chali gai,

Jab paani me hamare bhi jahaaj chala karte the

Aur hawa mein hawai-jahaaj bhi hamare hua karte the

Mitti ka hi sahi, par Mehal hamare bhi hua karte the.

Na kamaane ki Fikr, Na Zamaane ka dukh

Bas khushiyon se bhari Zindagi thi,

Aaj Zimmedaariyan hai, Tab khilkaariyan hua karti thi

Aaj Jaroorten hai, Tab khvaahishen hua karti thi.

9 baje Pokemon aur 9:30 baje Beyblade tha

Hero mein Shaktiman hi apna favourite tha

Wo Hatim ke 7 sawaal ka pura karna,

Aur Vikram ka Gabrool se wo sone ke sikke lekar

Kahani sunana ek alag hi maza hua karta tha.

Jisska Bat pheli uski batting, Aur out hua toh

Ammi bola rahi hai ye hi bahana hota tha.

Tab din pakdam-pakdai, gilli-dandda se shoru hota tha

Aur chor-police, chupam-chupai pe Khatam.

Maidan me khelne ki jagah nhi hua karti thi

Jo jeeta wo hi khelega phele bs ye hi sarth hua karti thi.

Wo cycle ke tire ko apni gaadi maan lena

Aur phir doste ke saath race lagana,

Kanche, Lagori, lattu, jab har ek khel mein maza tha.

Tab Pubg nhi tha yaar, wo contra ka zamaana hua karta tha.

Tab ye pepsi, coca-cola aur sprite nhi yarr

Wo kanche wali Banta ka zamaana hua karta tha.

ShakLaka Boom Boom wali pencil ko pana,

Hamari chahat hua karti thi

Tab Zindagi bahut hi Simple aur Haseen hua karti thi.

Bina degree ke Doctor ban jate the

Aur dawai ke naam par chote-chote patthar dete the.

Wo choti choti baat par doston se laddna-jhagadna

Tujhse kabhi baat nhi karunga bolkar,

Sham ko ussi ke pass jakar baith jana.

Ek pal mein masti aur dusre hi pal masoom ho jate the

Malik the apni Marzi ke har pal mein khush rehte the.

Tab lagta tha ki ye filmo me actors

Gaana khud hi gaate hai,

Aur har baar inke kapde kaise badal jaate hai.

Roo Rookar school jate aur chutte waqt,

Sabke haath mein O-YES hota tha

250 cards jama hone par bas,

Watch milne ka intezaar rehta tha

Wo sachi muskurahat hothon par,

Aab kaha dekhne milti hai

Muskurahat, Tabassum, Hassi, khilkaariyan sab kuch

Naa jane kaha kho gai.

Dekhte hi dekhte pata nhi hum kab bade ho gae.

Chahat Chand ko pane ki thi

Aur manzil ki koi khabar na thi.

Aaj ke din naa jane kaise gujar rahe hai

Main shukr-gujaar hoo ki mere Bachpan ke din

Bachpan jaise gujre hai..

Read More

School ke Din...

                        This blog I wrote about my school life. Main abhi FYJC mein. phele-phele college jana accha lag raha tha. par jab apne school ko dheta hoon to wo school ki yaadein taza hojati hain. aur inhi yaado ke bare mein ye likha hain. So let's start. 

"School ke Din...."

                                                                  

                  

                    Maine life ke haseen lamhe waha gujare the. Zindagi jeena aur padhna-likhna wahi se sikha tha. Kuch aur naam mat do  usy kyuki weh mera doosra ghar tha…  

                                                        School

                    Subah ko der se uthna. Mummy uthae to pet dard ka bahana kar ‘aaj school nhi jauga’ bolna. Phir kisi tarah daant kha kar school chale jana hamara roz ka tha…

                     Phir ek waqt aisa aaya ki ghar me boring lagne laga tha aur school mano mujhe mera doosra ghar lagne laga tha. School ka ek free period mano pure din ki thakaan mita deta tha. Bench ka bajna aur duster se face makeup karna hamara chalu rehta tha. Black-list ka tag laga kar hum back-bencher kehlate the, pen-fight, red-hand, odd-iff jaise kitne game hum piche khela karte the. Class ke beech mein gossips apne chalu rehti thi, hum sab class ke bahar khade hojate the jab teacher hume pakadti thi. P.T ke period me full energy hoti thi aur science ke period mein batti gul ho jati thi, aage bench par sab padhte rehte thy aur last bench par hum apna alag hi chemical locha karte rehte. 

                   Washroom mein sab friends ka sath jana aur full period wahi bitana, bell bajne par class mein bhagna. Teacher ko satana, chalu period mein masti karna, kabhi usy piche se marna to kabhi paper ka plane bana kar udana. Computer lab me jakar keyboard ka koi bhi button daba kar aana, to kabhi teacher ke lakh mana karne par computer me game khol kar baith jana. Pyaar se teacher ko naye-naye naam dena aur phir ushi naam se bulana hota tha. 

                   Ek tiffin me 6-6 haath hote thy kyuki hum sab friend saath hote thy. Kabhi-kabhi friend se bina bataye uska tiffin kha jana, tu kabhi ushi ke bag se bench saaf karna. Canteen se samosa pav lekar bahar nikal aana kisi jang jeetne se kaam nhi hota tha. Wo aankhen band karke kisi 1 ko apna shikaar banana, phir baad mein usy manana hota tha. 

                   Ghar mein 1 water bottle nhi bhar pate thy, par school mein 5-5 water bottle lekar jate thy. Birthday mein wishes se pehle birthday bombs milte the aur party ke naam par naye-naye chehare dikhte the. Kisi ko bhi bhabhi bana kar dosto ko chidhana, dost ke naam par ladai karna “tu school ke bahar mil” famous dialogue bol kar panga lena. Baad mein compro ho jana hamara chalu rehta tha.                    School jane ki aadat si hogai thi ye yaade humse kuch is tarah judd gai thi.

                   Din gujre, mahine gujre, gujre 13 saal. Aakhir wo din aa hi gaya jiska tha hum sabko intejaar. Farewell ke din waha sajna-savarna, ladko ka blazer aur ladki ka saree pahan kar aana. Uss din kiye thy dosto se school ke baad milne ke vaade. School ki shirt par likhna aur likhvana milte rhena dosto hame bhool na jana. Aaj bhi jab school ke raste gujarta hoon to wo khatti-meethi yaade mere chehre par ek nayi muskurahat chhod jati hain…….

                  Mujhe phir se apne dosto se milna hain, mujhe phir se unka tiffin khana hain, mujhe phir se bench par apna naam likh kar aana hain, mujhe phir se school jana hain,, mujhe phir se school jana hain….  

                      This memories will always be with me. Miss you mere yaaro jald milege.. 

                                                      

                                                         ---Mohd Anas Ansari      

Read More

Yaad Aate Hain Vah Din.......

   Tha ek paagal, wo Sr.K.G se padh raha tha aur main 5^th se aaya tha. Hum 7^th mein mile the, ek doosare ka naam bhi nhi jante the. Baad mein usska naam pata chala, ‘Azhar’ Azhar naam tha usska. Phir kya tha, Dhekate dhekate vah mera best friend… ban gaya. Usske baad kya tha! Ek saath school jaane lage aur ek saath school se aane lage. Dostee bahut gaharee ho gae, itanee gaharee ki jab wo school nhi aata to… sab kahate ki tera wo sathee kha hain. Hum ek doosare ke fire brigade bhi the, jaise Jethalal aur Tarak Mehta jab mujhe koi problem hoti to wo handle karta aur usse koi problem hoti tu main... kya karo ab, yaad aate hain vah din. Vah din yaad aate hain jab school se aate aate hum neembo paane peete the aur bhajiya pav khate the. Vah din yaad aate hain jab main usse maar deeta aur wo kutta maar kha kar muskura deeta tha. Aur usse koi maarta tha to mujhe gussa aata tha …. Uuse kuch bhi hota to mere pass aata tha, aur bolata tha bhai help kar de… jab maths ka koi sum samajh nhi aata tha to bolata tha bhai samjha de. Aur main, mana kar deeta.. sach mein yaad aate hain vah din….

    Yaad aate hain wo din jab tuition class mein vah 1^st bench par baitha tha aur main 3^rd bench par, phir bhi sir kuch bolate  to meri taraf ungaale kar deta aur main usski taraf dhek kar maan hi maan bolata to bhar mil. Yaad aate hain vah din…

Vah din yaad aate hai, jab wo school nhi aata tha to main borr ho jata school mein maan nhi lagta tha.. vah din yaad aate hain jab hum tuition class ke baad Gateway of India se round maar kar jaate the. Aur kahate ki this is also a place to visit , don’t know why people come to visit it. Because hum log vah rooz jaate the, kyu ki Gateway hamare ghar se 10 min ki doore par tha. So we got bored going there. Yaad aate hain vah din….

    Then we shifted from Colaba aur vah vha. Jab bhi phone karta hoon, bas kahata hain kyu gaya yaar . yha hota to ye karte wo karte... sach mein yaad aati hai usski aur usse bhi aati hain mere yaad bahut miss karte hain….yaad aate hain vah din jab anpe dosto ke saath masti karte the… bahut yaad aate hain.

               Miss You my friend, my brother, mere saathi……… Miss Youuuuuuu…..
                                 
                                          _ Md Anas Ansari..

Read More