Woh Masoom Si Ladki...

 

 Woh Masoom si Ladki…

Ek Ladki thi Masoom si

Woh Khamosh si rehti thi

Jo apni Berang Duniya mein Magan thi

Sehar ka Waqt Khamosh sa Gujarta

Aur Raaton mein Tanhai thi

Khayalo mein Gujarti Zindagi ke Saath

Rangeeniyo se Bekhabr thi

Magar phir yu hua Ek Rozz..

Chahat ki Thandi Hawa usko Chukar Gujri

Uski Berang Duniya mein

Jaise Jaan si aa gai

Mano uske Khaabo ko Tabeer Mil gai

Jo Chup-Chap Woh rehti thi kabhi

Aab Woh Shokh si rehne lagi

Uski Berang Duniya mein Woh

Apni Chahat ke Rang Bharne aaya tha

Jo Khayalo mein thi kabhi

Usko apni Duniya Banana aaya tha

Us Nadaan ko Ishq se Roh-ba-Roh

Karwane Woh aaya tha

Pyaar hua, Ikraar hua, Mohabbat ka Agaaj hua

Aab Woh Hasti, Khilkhilati rehti thi

Dekh kar us Dewaane ko

Uske Rang mein Rangne lagi thi

Nadaan thi Woh usne dekhi Duniya nhi thi

Uss Dewaane ke Kirdaar se

Woh abhi Bekhabr thi

Fir aisa hua Ek din

Lamhe Khusiyon ke Bikhar se gaye

Mohabbat toh Jeet li thi usne

Magar Taqdeer se Haar baithi thi

Woh chala gaya uski Mohabbat ko Cheen kar

Woh Masoom abhi bhi uske Intezaar mein Baithi thi

Kismat ki is Maar ko Chup-Chap Sehti rahi

Dard Zindagi bhar ke Mile usko

Woh har ek Iljaam apne upar leti rahi

Woh Masoom thi Nadaan thi

Apne Aansoo ko Peeti rahi

Woh Ishq Ke khel se Anjaan rahi

Who Ishq ke khel se Anjaan rahi

Read More

Tumhari Yaadien

 

Tumhari Yaadein..

In Dhadkano ko bus aapki talaash hai

Bina Aapke Jeena Mahal hai

Gar dekh bhi lu Tumhe

Dhadkan band ho jaati hai

Meri Zindagi ki Qeemat bas Itni si hai

Tumhare sath Bitaye huwe

Chand Guzre howe Lamho ki Yaadein hai

Un Yaadon mein

Kuch Udasi or kuch Shaokhiyan hai,

Kuch Bunte hoye Khvaabo me Mashrur hum

Aur Kuch Toote hoye khvaab hai

Mujhe teri yaadein yaad aaj bhi hai

Wo baatein jo kahi bhi nhi thi

Mujhe wo yaad aaj bhi hai

Tere dedaar ko taras jata tha galiyo mein

Wo gumnaam gaaliya mujhe yaad aaj bhi hai

Wo dekh kar mujhe baalo ko sawarna

Aate jaate narze chura kar dekhna

Mujhe yaad aaj bhi hai

Tum toh na mil sake muhjhe

Bas tumhari ye yaadien hi reh gai hai

Tum zid nhi zindagi thi meri

Zindagi toh nhi rahi bas

Mujhme saas baki reh gai hai

Abb raha na Shauk Muskurane ka

Dil bhi Bhul gaya pata apne Thikane ka

Lambi Raat, Ghani Khamoshi hai

Lamho ka Yeh Adal-Badal bhi acha hai

Kabhi hasta, jhuta kabhi, kabhi Sacha hai

Dil bas tumhari yaadon mein hi atka hai

Read More

Zaroori Nhi...

 Zaroori nhi…

Zaroori nhi jo Tumhe Dikhata hai,

Woh har bar Sach hi ho.

Zaroori nhi jo Hamesha Khilkhilata hai,

Woh sach mein utna hi Khush ho.

Zaroori nhi jaesa Tasveero mein dikhta hai,

Woh Haqeekat mein bhi waesa hi ho.

Aur jo sabko Motivate karta hai

Kya pata Raaton ko khud hi Rota ho. 

Jo sabki Pareshaniyon ko sunta hai

Kya pata Andar se Woh khud hi Pareshan ho,,

Kya pata Woh ye Batana chahta ho

Lekin Bata hi na Paa raha ho..

Zaroori nhi jisse Woh Pyaar kare

Badle mein Usko utna hi Pyaar mile

Jise dekh kar lage ki Zindagi ho toh aesi

Kya pata Woh Khud hi Sochta ho ki

 Ye Zandagi kyu hai Aesi?

Zaroori nhi Uske kai Dost hai

Toh sab Uski Baaton ko Samjhe

Kya pata Woh hi Baad mein

Khud ko Akela Mehsoos kar raha ho

Woh Bahar se jitna Khamosh Dikh raha hai

Kya pata uske Andar Utna hi shor ho.

Zaroori nhi Woh Khuli Kitaab ki

Tarah Dikh raha hai toh,

Woh waesa hi ho,,

Kya pata Uske Andar kitne Raaz Dabe ho..

Zaroori nhi jaisa Log usse Samajh rahe hai

Woh Haqeeta mein bhi Utna hi Hasmukh ho

Zaroori nhi Woh Waisa hi ho….

Read More

Main Keh Na Saka..

 

Main Keh Na Saka..

Suno kaesi ho? Aapka naam?

Bahut Khobsurat Lag rahi ho.

Ye Main Usse kehna Chahta tha.

Par Keh na paya…

Ek Roz usko College ke Gate par dekha .

Dekhte hi na Jane Mujhe kya hua?

Ki Main Apne aapko Sambhal na paya

Uski wo Lehrati Zulfe,

Wo Annkhon mein Kajal,

Hoothon pe Ek Halki se Muskurahat,

Haatho mein Kitabe thi.

Kuch is tarah se Didaar hua tha Uska..

Socha jaakar Baat karo par,

Kar na saka? Naam se Anjaan tha

Wo Poch na saka..

Suno Akele Ghar jaa rahe ho?

Main bhi wahi Rehta hoon, Saath mein chale?

Ye Main usse Pochna chahta tha.

Par Poch na saka..

Sadak ke Ek Taraf uska Ghar tha,

Aur Dusri taraf Mere.

Uski ek Jhalak dekhne ke lie,

Aana Jana aab uski Galiyo se Hone laga tha.

Koi Pakad ke Poch na le,

Toh Bahana Aksar Taiyar hota tha.

Uske saath toh jane se raha!!

Toh socha Lecture mein saath Baith jae??

Suno wo Baithne ke lie Jagah nhi hai.

Kya Main yaha Aapke saath mein Baith sakta hoo?

Ye bhi Main usse Pochna chahta tha

Par Poch na saka..

Din aise hi Sochne Samajne mein Nikalte rahe.

Na Main kuch Poch saka,

Na kuch keh saka.

Dekhte-Dekhte College ka,

Wo Akhri Din bhi aa gaya…

Hello, Salaam.. Kheriyat? Main hoo..

Mene aapke ek Dost se Aapka number liya

Kya Hum mil sakte hai?

Ye Mene nhi…..

Thak-Haar kar Ussne hi Mujhse Poch liya..

Raat ka Waqt tha.

Mujhe ek Call aaya, Uska hi tha

Socha uhtao..ya nhi?

Phir Himmat kar ke utha liya.

Phir hamari Baatien Shuru hoi..

Baatien na jane kab Pyaar mein Tabdeel hui.

Ek Durse ke saath Waqt Gujaarne lage.

Din gujre phir gujre kuch Mahine..

Saal aate aate phir ek call aaya.

Usska hi tha..

Awaaj mein Nami thi,

Halki awaaj mein kuch Sunai diya,

Kaise ho?? Sab Thik hai na?

Haa Mujhe kya ho sakta?

Suno aab Hum nhi Milege.

Kuch Pal sab Shant ho gaya….

Kuch Derr tak Dono hi Khamosh ho gae..

Uski Shaadi tae ho gai thi

Phir kya tha…

Jo Khaab dekhe the sab Toot gae,

Abb Pyaar toh nhi raha..

Bas uski Meethi Yaadien hi reh gai.

Socha Himmat kar ke Ghar walo se bhi keh deta..

Par keh na saka.

Main kuch bata na saka.

                                  Based On A True Story...

Read More

Main Pareshan Hoon...

 

Main Pareshan Hoon…

Pata nhi kya ho raha hai??

Main Pareshan hoon Kayi Dino se,

Main khoya hoon kahi

Apni hi Dhundh mein,

Main “Mujhsa” nhi rehta ho Aaj-Kal,

Main apna Dard Batana chahta hoon,

Par Koi Sunne wala hi nhi hai..

Toh Likh doon kya??

Jo Dard hai Ek Kagaj par.

Shayad Koi Padhne wala hi Mil jae.

Padh kar Baat toh sab samaj hi lete hai,

Shayad Jasbaat samajne wala Koi Mil jae..

Jaante toh Bahut Log hai Mujhe,

Baatien bhi Sabse hoti hai.

Par jo Jaanta tha Mujhe Apne se bhi Jyaada,

Uska Koi Ata-pata hi nhi hai.

Bolne ki Koshish karta hoon Main

Par Koi Sunne wala hi nhi hai.

Yaha Saath Rehkar bhi

Sab Dorr hi Rehte hai..

Mujhe Ehasaas Dilane wala Koi bhi nhi hai.

Main Khud se Baatien karta Rehta hoon

Kabhi-Kabhi khud se Haar kar Soo Jata hoon.

Main Khamosh hoo kuch Dino se,

Par Kisine Notice hi nhi Kiya hai.

Main Text par toh Acche se Baatien Kar Leta hoon…

Par Samne Baat karne se Darta hoon.

Mujhe nhi pata Apne Dard ko Kaise Bayan karte hai??

Isiliye usko Bahar Aane hi nhi Deta hoon.

Bas Kho jata hoon Apni hi Dhun main.

Par Ye Kisi ko Samaj hi nhi aata hai.

Main Khamosh hoo Jaroori nhi ki,

Mujh mein ghamand hai

Bas batane se Darta hoon.

Main bass Waqt ke Saath,

Behta chala Jaa raha hoon..

Aur Zindagi bas Yu hi Chal rahi hai..

Main Pareshan hoon kuch Dino se

Par Koi ye Samaj kyu nhi Paa raha hai??

???

Read More

Tumse Nafrat Kyu Nhi Hoti?...

 

Tumse Nafrat Kyu Nhi Hoti??..

Main thak gaya hoon Dard Sehte-Sehte..

Main thak gaya hoon-

Apne Aap ko Samjhate-Samjhate..

Main Samaj gaya hoon ki,

Main Tumhare liye Kuch nhi hoon.

Par Maine toh Puri Koshish ki thi,,

Ki kuch Ban sakoo!!

Shayad Tum ye Samaj hi nhi pai

Mere wo Zasbaat ko Padh hi nhi pai..

Tumhe meri koi Fikr hi nhi thi

Jab Tumhara Mann Karta tum Baat kar leti thi..

Naa jane Main hi kyu Ise Pyaar samaj baitha?

Bina tumhe Jane apna Dil de baitha..

Main thak gaya hoon Tumhe Ehasaas Dilate-Dilate..

Main thak gaya hoon Khud ko Haraate-Haraate..

Tumhare Alawa bhi Zindagi hai Meri

Main thak gaya hoon Tumhare Piche Bhaagte-Bhaagte..

Mujhe bas thoda sa Waqt chahiye tha Tumhara

Jyada koi Umeed bhi nhi thi.

Par Zaroorat ke baad Tum Mujhse Baat hi nhi karti..

Kyu Tum baar-baar Yaad aati ho?

Kyu har baar Mujhe Sataati ho?

Kyu Main Tumhe Bhula nhi pata hoon?

Sirf Tum hi nhi ho Yaha par..phir kyu?

Kisi aur se Mohabbat nhi kar pata hoon??

Tumse Dorr Jane ki Koshish karta hoon har baar,,

Par kyu Tumse Nafrat nhi ho pati?

Tumhe Dil se Nikalo kaise?

Is Dil ko Samjhao kaise?

Aab Bahut ho gaya bas..Tumhe Yaad nhi karna!!

Pasand ho Tum Aaj bhi Mujhe par,

Aab Tumhe Haasil nhi karna..

Thak gaya hoon Khud ko Manaate-Manaate..

Aab nhi Dekhne Tumhare Khaab bhi Mujhe

Main thak gaya hoon Tumhe Bhulate-Bhulate..

Tum kyu Meri Zindagi mein Aa gai?

Kyu is Tarah Mujhe Ishq-ka-Jaam Pila kar gai??

Main bhulna chata hoon Tumhe..

Tumhari sab Yaadon ko Mitana chahta hoon.

Par kyu Mita nhi Pata?

Aab Mujhe Tum chahiye hi nhi toh,

Kyu Tumhari Yaadein Mujhe sataati hai??

Jis Tarah Pyaar hua Tha Tumse, usi tarah

Tumse Nafrat kyu nhi hoti hai??..

Read More

Aab Baatien Nhi Hoti…..

 

Aab Baatien Nhi Hoti…..

Tujhe Bahut kuch Batana hota hai

Tujhse Bahut kuch Sunna hota hai,

Par, Abb Tu Baat hi nhi Karta hai...

Tujhe Yaad hai Jab Bhi Mujhe Kuch hota,

Toh Tu har Baar Mujhe Sambhaalta tha

Main Jab bhi Roota tha toh,

Tu Hamesha Mujhe Hasata tha.

Tu har Pal Mere Saath rehta tha

Dost nhi Yaar, Mene Bhai Tujhe Mana tha

Tujhe Fikr thi Meri aur Mujhe Teri

Har Roz Tu Mera Haal Pucha karta tha..

Hum Dorr rehte the Ek Dusre se

Par Mujhe Doori ka Ahsaas hi nhi hota tha

Phir pata nhi kya hua, Tune kuch kaha bhi nhi,

Bas Mujhse Baat karna Band kar diya

Mene Wajah Janne ki Koshish ki..

Par Dhond nhi paya.

Tujhe se bhi Malum karni ki Koshish ki...

Par Tu Bata hi nhi paya.

Mana Galti Meri thi Par Bata Deta ki,

Kya Kiya tha Mene?

Par Tune Puchne ka Mauka hi nhi diya,

Kuch Batana tha Tujhe aur Tera Haal Puchna tha,

Par Aab na Bata paya na Puch paya...

Aakhiri Mulakaat toh Hamari,

Haste hoe khatm hoi thi!!

Toh uske Baad Tune Baatien karna kyu Chhod diya?

Abhi toh Tune Mujhse Milne ka Wada kiya tha??

Abhi Mile bhi nhi the,,

Isse pehle hi Tune ye Khvaab kyu Tod diya??

Kyu Baatien Band kar di Tune?

Kuch Tu Sunata tha, kuch Main

Do Baat kar Lete the Saath mein.

Accha nhi karni Baat toh Mat kar

Mujhse toh Puch Leta...

Tu yuhi Achanak Dosti Luta kar chala gaya

Aab Main ye Sochta reh jaoga ki, Mene Kiya Kya tha??

Mahine ho gae Tujhse Baat kiye

Aab toh Naya Saal bhi aa gaya,

Kyu chala gaya Tu Mujhe Akela Chhod kar,

Ye Sawaal bas ek Sawaal ban kar Reh gaya.

Tujhe Bahut Kuch Batana hai

Tujhse Sunna hai, Tere Saath Hassna hai

Par, Tu Abb Baat hi nhi Karta Hai…

Read More

Pata nhi kya ho raha hai??

Pata nhi kya ho raha hai??

 

Pata nahi kya Ho raha hai?

Life me Kuch bhi ek jagah tik hi nhi paa rha hai,

Jaisa uska Mood hai waisa dikh hi nhi paa raha hai,

Shayad waqt pehle jaisa nahi raha,

Ya Woh pehle jaisa nhi raha.

Woh apni ek ek baat kisi ko batana chahta hai, 

Lekin sirf unka haal-chaal puchke aa jata hai,

Ab toh Ghar me bhi kisi se baat nhi ho rahi hai,

Maa-Baap ki toh usse ummeed hi uth rahi hai.

Aisa lagta hai koi hai hi nhi

Jo uski takleef ko sune,

Aur badle me apni bhi kuch kahe.

Jisse woh Pyar karta hai vo bhi,

Bas dost bol kar taal deti hai.

Itna izhaar karta hai usse,, par

Vo bhi uski baat hawa me uchaal deti hai.

Jo Dost kabhi chehre pe shikannj nhi aane dete the, 

Aaj vo begaane hue baithe hai.

Aur woh unki yaado me Deewana bana baitha hai.

Din jaise-taise gujaar ne ke baad jab,

Raat ko sone ke waqt Takiye pe sar rakhta hai,

Neend toh door, bas din bhar ki Baatein

Woh khud se hi kiya karta hai.

Akele rote waqt jab woh kisika sahara chahta hai,

Apne aapko akela Dewaaro ke bech ghira paata hai..

Kyuki Rote nhi ladke bachpan se usne yahi sikha hai.

Pehle Maa-Baap ne,

 Phir dosto ne aur phir teachers ne,

Bhi Rone se Roka hai..

Woh apne andar hi khoya rehta hai,

Har pal me wo khushi dhundta hai.

Khud ko akela paa raha hai woh,

Kisi se nhi keh paa raha hai woh.

Log uski is haalat ko bewakoofi ka naam de dete hai.

Jo apne kareebi hai uske ab toh vo bhi

Ignore karke Anjaam bata dete hai.

Ab toh uski dosto se baat kaha hoti hai,

Sab waha ek-dosre se mil rahe hote hai,

Aur uski Unse mulaqat kaha hoti hai..

Real life me itna akela pan hai ki

 Dusro ka gam dekh kar,

Apni aankhe nam kar raha hai woh.

Status aur Stories pe post nhi karta,

Vo jo mehsoos kar raha hai woh..

Sab kuch sahi hai yaa......

Usse hi koi galti ho rahi hai?

Jitna khush Bahar se woh dikhta hai,

Dil-hi-Dil me utni hi tanhaai mehsoos karta hai woh...

Woh khamosh hai apne khayalo ke aage,

Par nakaam nhi hona chahta hai.

Woh janta hai ki woh toot chuka hai.

Lekin woh haar nhi manna chahta hai.

Woh pareshan rehta hai apne khayalo ko lekar,

Dard ko chupa kar woh hasna Chahta hai,

Par reh nhi pata.

Har pal me woh khushiya dhundta hai,

Par dhund nhi pata.

Toh puch liya karo tum bhi,

Apne doston se unka haal unse.

Shayad isse unko kuch pal khushi ke mil jae,

Kar liya karo baat unse..

Read More

Ab Laut Aa Na

 Ab Laut Aa Na..

       Ye kavita har unn shakhs par likhi hai jo aapko kabhi-na-kabhi chhod kar chale gae hai. Aur hum sabki life mein koi na aisa shakhs hota hai. Aur jaroori nhi ki wo ek hi roop mein ho, wo kisi bhi roop mein ho sakhta hai dost, bhai, bahen, pyaar etc. Ye kavita uski ki yaad me likhi hai ki ab laut aa na...

Sunna laut aa na tujhse milne ka mann kar raha hai

Arse ho gae tujhe dekhe tujhse milne ko dil tadap raha hai

Mene mana mujhse galti ho gai thi

Mene gusse mein bol diya tha....

Mujhse baat mat karna, mujhe massege mat karna,

mujhe nafrat hai tujhse..

khair... Kab tak uhi naraaz rahega??

Ab to laut aa...

Mere dil ki ye khvahish hai

Is khvahish ko bina kisi sawaal ke pura kar de na

Bahut kuch kehna hai tujhse

batana hai, dikhana hai, tujhse baatein karni hai

Ab gusssa chhod de na

sunna laut aa na...

Ek baar apna didaar kara hi de na 

Ab itna bhi kya bhaav khana?

Laut aa na..

Main janta hoon tu bhi mujhse milne ko taras raha hai

Meri awaaz sunne ko bechain hai

Yaar arse ho gaye hai khush hoe!

Thoda has le, thoda hasa de na

pal bhar ke lie hi sahi

Laut aa na.

Main apni saari galti sudhaar longa,

main maafi bhi maang longa,

Tu kahe to main saja bhi kaat longa,

Ab toh naraazgi chhod de na..

Bahut hua rooth na-roothana

Maaf kar de na

Bas ek baar laut aa na

Bas ek baar laut aa...

Har roz mujhe teri yaad satati hai

Har roz ye aankhen tujhe hi bulati hai

Tu kaha hai? kaisa hai? kya kar raha hai?

Bas ye hi sawaal mere mann mein chalte rehte hai.

Tere bina main adhora ho, aur mere bina tu!!

Main talvaar hoon to,

Tu meri Dhaar hai

Main Aaina hoon to,

Tu usme chupi sachchai hai

Tu meri parchai hai..

Tu meri jaan hai

Meri aan-baan aur shaan hai

mein tere bina adhora hoon

Jo hua bhul ja na

Teri yaad aa rahi hai

Ab laut aa na..

Ab laut aa na......

                __Mohd Anas Ansari

Read More